ასოციაცია კავკასიის ვეტერანი.

კავკასიის რეგიონის სამხედრო ვეტერანებს შორის ძმური ურთიერთობების ჩამოყალიბებას ემსახურება თბილისში შექმნილი ასოციაცია „კავკასიის ვეტერანები".

მისი დამფუძნებლები - თავდაცვის სამინისტროს საზენიტო-სარაკეტო ბრიგადის ყოფილი მეთაური , ვიცე პოლკოვნიკი ზურაბ ასლანიშვილი, რეზერვის ოფიცერი გელა ჯოხაძე, გოჩა ჯოხაძე, ალექსანდრე დელიძე და გივი კოპალიანი - საომარი გამოცდილების მქონენი, მონაწილეობდნენ ქვეყნის ტერიტორიაზე არსებულ სამხედრო კონფლიქტებში, ამიტომაც საკმაოდ კარგად იციან მშვიდობიანი და კეთილმოწყობილი ცხოვრების ფასი.თითოეულმა მათგანმა პირად ტრაგედიად და უდიდეს გაურკვევლობად აღიქვეს ის ფაქტი, რომ ბნელი ძალების მიერ გაქეზებული კავკასიის შვილები, ხშირ შემთხვევაში, ომის სხვადასხვა ხაზზე იბრძოდნენ. ამას ბოლო უნდა მოეღოს და მსგავსი შემთხვევები თავიდან უნდა იქნას აცილებული მომავალში. სწორედ ამ ამოცანის შესრულებას ანიჭებენ პრიორიტეტს ასოციაციის დამფუძნებლები.

საქინფორმს მიეცა საშუალება, დეტალურად შეისწავლოს ვეტერანთა სქემა. ორგანიზაციის ხელმძღვანელთან, ზურაბ ასლანიშვილთან ჩვენი შეხვედრა ასოციაციის ოფისში შედგა.

- ბატონო ზურაბ, ვის წინააღმდეგ აპირებთ დაძმობილებას?

- თქვენივე შემოთავაზებული ტონით გიპასუხებთ: უსამართლობის წინააღმდეგ, და ომის მონაწილეთა ღირსეული ცხოვრებისთვის, რომელთა შორის ბევრი ინვალიდი და შეზღუდული შესაძლებლობების მქონეა. შეგვიძლია გითხრათ, რომ ჩვენი ორგანიზაციის ყველა ქმედება იქნება წმინდა ჰუმანიტარული ხასიათის. ასოციაციის ქარტიაში „ზოგადი დებულებების " განყოფილებაში პირდაპირ მითითებულია, რომ ის წარმოადგენს არასახელმწიფო საზოგადოებრივ ორგანიზაციას, რომელიც მოქმედებს ქვეყანაში არსებული კანონმდებლობისა და საერთაშორისო ნორმების შესაბამისად.

- ბატონო ზურაბ, უმჯობესია, უფრო კონკრეტულად ვისაუბროთ.